Hverfisgata 74

Skuggahverfi

Fyrir neðan Lindargötu gnæfir klettaborgin Skuggahverfið. Nútímaleg byggð og rúmgóðar íbúðir. Þrátt fyrir að vera staðsett í miðbænum er hverfið nægilega langt frá skarkala skemmtanalífsins og íbúar verða ekki fyrir ónæði. Útsýnið úr Skuggahverfinu er með því besta sem finnst í miðbænum. Esjan skiptir um lit eftir árstíðunum og er alltaf jafn fögur, hvort sem það er hásumar eða vetrarsólstöður. Harpa er að vísu ekki náttúruundur en undur er hún engu að síður og í göngufæri við Skuggahverfið. Við Lindargötu er leikskólinn Lindarborg en hann er hluti af Miðborg sem eru sameinuðu leikskólar miðbæjarsvæðisins. Hverfisskólinn er svo fjölmenningarmiðstöðin Austurbæjarskóli. Unglingar sem alast upp í hverfinu geta gengið í Kvennaskólann og Menntaskólann í Reykjavík rétt eins og unglingar liðinna tíma gerðu. Íbúar hverfisins eiga hægt um vik að koma sér á milli annarra borgarhluta því strætisvagnasamgöngur eru með besta móti og auðvelt að ganga niður að Lækjartorgi eða rölta upp á Hlemm.