Stórglæsileg þriggja herbergja, 84,7 fm íbúð á fyrstu hæð með sérinngangi við Elliðabraut í Norðlingaholti laus til langtímaleigu.
Gengið er inn í anddyri með stórum og góðum fataskáp. Á hægri hönd eru tvö svefnherbergi með góðu skápaplássi í báðum herbergjum.
Baðherbergi með flísum á gólfi og góðri sturtu. Tengi fyrir þvottavél og þurrkara.
Eldhús og stofa í sameiginlegu rými þar sem gengið er út á verönd sem snýr í vestur. Innbyggður ísskápur og uppþvottavél er í eldhúsi.
Geymsla, 3,7 fm fylgir íbúðinni. Bílastæði í kjallara fylgir ekki íbúðinni.
Athugið að myndir eru af sambærilegri íbúð í húsinu.
Reykingar og dýrahald er ekki leyfilegt í íbúðinni.
Leiguverð kr. 395.000.- á mánuði. Hiti er innifalinn í leiguverði en rafmagn greiðist af leigutaka.
Leigusamningur er gerður til 36 mánaða með möguleika á framlengingu.
Trygging nemur 2-3 mánaða leigu, fer eftir tegund tryggingar.
Áhugasamir eru hvattir til þess að bóka skoðun með því að senda tölvupóst á al@al.is.
Ef þú hefur áhuga á að sækja um íbúðina biðjum við þig að senda okkur umsókn með því að smella á hnappinn hér að ofan.
Endilega hafðu samband við okkur á al@al.is ef einhverjar spurningar vakna.
Hlökkum til að heyra frá þér.
