Urriðaholtsstræti 10-12

Garðabær

Það hefur eflaust ekki farið framhjá neinum að íþróttafélagið Stjarnan ræður ríkjum í Garðabæ. Stjarnan býður upp á fjölbreytilegt íþróttastarf og er í fremstu röð í fótbolta og fimleikum. Fimmtán leikskólar eru starfandi í Garðabæ og leikskólaflóran fjölbreytt. Þar eru meðal annars Hjallastefnuskóli og náttúruleikskólinn Krakkakot. Þaðan liggur leið barnanna í sjö mismunandi grunnskóla og að lokum sameinast þeir sem það kjósa í Fjölbrautaskóla Garðabæjar. Í Garðabæ eru starfræktir þrír golfklúbbar og tvö hestamannafélög. Garðatorg er þjónustu- og verslunarkjarni bæjarins og þar blómstrar ýmis konar starfsemi. Þar ber helst að nefna Mathús Garðabæjar sem er afar huggulegur veitingastaður sem leggur upp úr því að koma til móts við barnafjölskyldur. Að auki er heilsugæsla, fótaaðgerða-, hárgreiðslu-, húðflúrsstofur allar staðsettar á Garðatorgi. Fyrir þá sem vilja eiga rólega stund, hitta nágrannana og spjalla í pottunum er Ásgarðslaug innan seilingar.